Laugardaginn 8. nóvember kl. 16.00 verður opnuð sýning í Norræna húsinu á sérhönnuðum prjónafatnaði frá norska hönnununarfyrirtækinu DUODU í Þrándheimi í Noregi
Hönnuðurnir sem reka fyrirtækið, Rita Nylander og Anne Grut Sörum hafa unnið saman síðan 1997 og haldið fjölda sýninga í Noregi, Bretlandi og Bandaríkjunum og hefur hönnun þeirra vakið mikla athygli.
Í sambandi við sýninguna mun Halldór Gíslason arkitekt og deildarforseti hönnunardeildar Kunsthögskolen i Oslo halda fyrirlestur um norska hönnun kl. 15.00 áður en sýning DUODU verður opnuð í sýningarsal í kjallara hússins.
Sýningin er unnin í samvinnu við Norska sendiráðið í Reykjavík.
(Fréttatilk. frá Norræna húsinu)